భామలు ఎందరు యున్నను
కోమలి తన మనసెరిగిన గుణమణి కోసం
ఝాములు ఎన్నైన నిలిచి
నీమముగా యుండ పాడి నిజ గురుదాసా

సత్య నిష్ఠ తోడ సాగింప జీవనం
నిర్ణయించి చేర నీతి మతులు
మనము పదిలముగను మాధవుడేయుంచు
తలప సత్యము గురుదాసు మాట 

వాంఛలెల్ల వెయ్యి పాములై చుట్టగా 

కోయలేని వాడ కోరి పిలువ 

గరుడ గమన వేగ కావంగ దిక్కువు 

తలప సత్యము గురుదాసు మాట

చదువులు సాయము సేయవు 

వదలక నిన్నంటిరారు వలచిన మనుజుల్ 

కదులును ఆగక కాలము 

మదినిల్పిన వేల్పు దిక్కు మరి గురుదాసా