ఆదిదేవుడైయ్యు అవతారమును దాల్చి
ధర్మమాచరించి ధరణి జనుల
కు సరి నడత జూపె గురుడేను రాముడు
తలప సత్యము గురు దాసు మాట

సమస్య: "పరమ శివుని జూచి పార్వతి వగచెన్"

పూరణ:

మాయవలన అసురుడు సతి
నీయమని  వరమును గోర నిడిభక్తునికై
ఛాయను బోలు తననుఎడ
బాయు పరమ శివుని జూచి పార్వతి వగచెన్  

మూడు మూర్తులలిగి ముప్పుగా మారినా
గురుని కృపను మేలు కూడ గలదు
మీరి గురునియాన మెలుగరా మువ్వురు
తలప సత్యము గురు దాసు మాట

గంగ కడగ గలదు ఘన పాప కలుషంబు
కల్ప వృక్షమిచ్చు కామితంబు
దయను దీర్చు గురుడు దైన్యంబు పాపంబు
తలప సత్యము గురు దాసు మాట

అవివేకము కూడి జనులు
చవిచూడగ అల్ప సుఖము జననములొందన్
సవివేకము కలిగింపగ
అవతారములెత్తె చూడుమది గురుదాసా  

గురుడే యట పద్మభవుడు
గురుడే ఈ జగము గాచు గోవిందుండున్
గురుడే ఆ పరమశివుడు
గురుడే సర్వము గురుతుగ గురి గురుదాసా